花灑。動物傳心+魔法陣個案分享 103 我想回到以前一樣

29/5/2020

花灑。動物傳心+魔法陣個案分享 103 我想回到以前一樣

今次的個案是貓貓搬完新屋後情緒不好導致有過度舔毛的習慣。傳心後發覺貓貓非常沒有安全感，不好的情緒都深深地收在內心，他覺得沒有人了解他，亦不太想和人溝通，他告訴我只想回到像以前一樣，媽媽很愛錫他，和他玩得很開心無憂無慮的情景。

幸好主人願意嘗試魔法陣治療，目標是將貓貓以前開心快樂的靈氣氣場注入現在的身體內，從而回復以往一樣的開心情緒。

治療術很成功，貓貓開心了很多，媽媽也覺得他像回到了以前一樣。希望再加上以後的跟進，貓貓的情緒可以完全康復。

不過，如果令他情緒不好的誘因仍然存在，任何治療術的功效只能短暫維持喔！

請記住任何疾病要先看醫生，才輔以治療術幫忙回復健康的靈氣磁場。

原文：

Hi 花灑 你好！記得我嗎？我係3隻貓貓Meme Micmic同豆豆的主人，首先都要多謝你之前幫我同3隻做傳心令我了解佢哋更多。 今次想揾你幫忙，因為豆豆出現情緒問題令我非常担心。去年5月我搬新屋，我知道貓貓比較敏感，都揾你同佢哋傳心等佢地有心理準備適應新環境。隨後我發現豆豆肚仔同後腳D毛毛越來越稀疏，我都未為意豆豆有過份舔毛習慣。到咗今年3月我發現佢肚仔出現紅腫及光禿，我便立刻帶佢去睇醫生，醫生檢查後膚認為佢皮膚紅腫係過份舔毛引致，覺得佢有情緒問題，就開咗皮膚消炎藥同情緒藥比豆豆，情緒藥餵咗豆豆食佐一次，豆豆就变咗無哂動力咁好攰，我嚇到唔敢比佢食，只係净食皮膚藥，但食咗兩星期紅腫無乜改善。我發現佢真係不停舔毛，我覺得事態嚴重。因為真係皮膚問題食消炎藥好快改善到，而豆豆的皮膚就引證到係情緒引致。 花灑你有沒有好提議比我呀？可唔可以帮豆豆

回饋文：

佢心情好咗好多，好似回復以前小時候咁，我亦當無野咁對佢，尋日同Micmic玩隧道玩得好開心，都有舔毛情況，但我盡量唔阻止，我驚比压力佢。 —————— 花灑，多謝你。好神奇，我今日同豆豆搽泡泡靈時，發覺佢肚仔皮膚無咁紅同收乾水的現象。你幫佢完佐能量治療後，佢真係少舔咗肚仔，我亦同佢傾多D計，亦買咗一些新玩具同佢哋一齊玩，盡量令豆豆放鬆同減压，希望佢情緒會好D —————— 你的治療真係有效，今天冲涼姐姐幫佢b沖涼都發現豆豆傷口好咗 —————— 花灑我要再多謝你，今次豆豆的情緒病，經過你幫忙傳心同在24/5為豆豆做靈脈治療同擺治療術魔法陣之後，經過呢幾日觀察，我發現豆豆心情明顯改善，減少咗過度舔毛，多咗同Meme Micmic一齊玩，好似以前細個咁。花灑你初初建議做治療魔法陣，我都抱有懷疑，因為我只聽過靈脈治療，治療魔法陣就完全未聽過，只知道你需要豆豆小時候快樂的照片同現在的照片，就可以將豆豆以前快樂正能量從新再輸入豆豆體內，重而獲得治療，聽落真係匪疑所思。但奇蹟真係出現咗，我唔敢講豆豆係百分之百完全好番，但致少我見到有改善，亦明白並非一兩次治療就可以完全康復。但我認為一些毛孩的奇難雜症，傳統醫學束手無策的時候，就不坊試試靈脈治療及魔法陣，可能係另一條出路，寵主可以為毛孩帶來健康的優質生活。