搜尋
Winny個案分享29 - 成熟穩重的波仔
- AC Winny
- 2018年7月25日
- 讀畢需時 1 分鐘
波仔是一個性格有點孤僻，非常獨立的小朋友，但其實是一個成熟穩重的好哥哥。
首先多謝你先。波仔平日性格真係幾獨立孤辟。佢的確係右下邊剝咗牙😱仲腫緊😔近排睇過兩位醫生話懷疑係腫瘤，好彩你話佢無痛。遲啲要做手術所呢排日日都要餵藥，所以感到佢唔開心怕佢嗰個位痛。依家我反而擔心嚟緊佢做完手術，唔知會唔會有情緒問題😔
呢個為食仔真係次次一聽到我拎罐頭就立即跑嚟我身邊坐定定XD
以前佢成日坐公公身邊陪佢睇電視，嗲公公多過我(妒忌😤)可能佢細個時日日夜夜都係公公陪佢最多啦。
妹妹嗰方面，本來帶返嚟想話陪吓佢怕我返工得佢一個悶，但聽返你講，似乎佢享受做獨男多啲XD 但又似你講，有時我抱吓妹妹，佢會係遠處𥄫實、啤實我，原來佢真係都有啲介意嘅😛有時我叫妹妹唔好咁嘈，波仔會走埋佢度拍佢⋯甚至’教訓‘佢，我都覺得佢有時幫我教阿妹㗎😆
仲有就係佢細個返嚟時真係有聽過佢叫吓，之後大咗啲就開始唔出聲，我驚曾經做咗啲咩令佢驚唔開心所以唔敢亂叫，好彩你話原來只係佢性格較平靜。
好多謝你幫我問到咁多嘢。本來想搵你再同妹妹傾吓，因為佢有好多行為問題。但我見你嚟緊要進修唔得閒，等你返嚟再搵。
留言