Winny個案分享33 - 在彩虹國也看日落的靚仔

Winny收到一篇超詳盡的回饋文！超級感謝靚仔媽的用心，將整個溝通過程詳細寫下，還給了我大大的鼓勵，真的很感動🙇‍♀️🙇‍♀️🙇‍♀️！

每一篇回饋文或感謝文，都是我工作的動力，每位家長的信任，都是我的能量泉源。感謝各位給我的鼓勵同支持，Winny一定會繼續努力的🙇‍♀️🙇‍♀️🙇‍♀️。

FB原文連結

🌈靚仔媽回饋原文🌈

好多謝winny幫我解決我一啲問題，她是一個倾聽動物💖~傳💖師。 我畀咗四個問題winny

原先定下來，係9月22日，晚上嘅11點，但係一些小問題，當晚沒有開始，但係第朝早，我一打開查看。

未開始winny已經畀咗我一個好大個驚喜，竟然，靚仔仔話畀winny聽哥哥的名字。

到真正的開始，我簡直覺得好似現場對話一樣。 winny問我，屋企是不是有個白色矮櫃是近窗邊的。 我回答: 係 阿仔間房係有一個米白色矮櫃在窗邊。 跟住再問我，是不是有個黃色玩具，是長型的。 我回答，係 黃色玩具係靚仔最中意玩的一條香蕉。

我聽完以上說話，我已經忍唔住😭咗出嚟。 因為我從未同winny講過我屋企的擺设物件及靚仔仔的玩具。

隨後winny叫靚仔帶去彩虹閣嘅屋企，但係靚仔就帶咗姐姐沿著山邊一條小路行咗去山後面，佢話因為可以喺呢度睇到日落，姐姐問靚仔點解鍾意睇日落， 靚仔畀咗一個畫面姐姐睇，係佢以前喺屋企嗰陣時，企喺喺個白色矮櫃旁邊，望出窗嗰度，可以睇日落睇天空。 winny問靚仔仔而家有冇屋企，靚仔回應，因為鍾意大自然，喺大自然度瞓，可以睇到天空。

跟住winny問靚仔有冇掛住媽咪同哥哥。 靚仔話掛住哥哥，仲有返過探佢哋。 靚仔再一次比畫面姐姐睇，嗰日係日頭嚟嘅，當時哥哥喺房，媽咪喺房度瞓覺，我仲走上床，瞓喺媽咪枕頭嗰度陪媽咪一齊瞓覺。 聽到後，我感覺好窩💕

另外靚仔不斷同winny講，好鍾意同哥哥玩。 靚仔又再來一個畫面給姐姐睇 , 佢常常同哥哥鬥嘴，嘈喧巴閉大聲叫的情景。 我回答系啊，佢哋兩個成日打交，成日喺度嘈喧巴閉啊。 跟住我叫winny幫我問 :靚仔鍾唔鍾意我而家幫佢設計的屋企。 靚仔沒有特別回應中唔中意，只係講好掛住哥哥，因為佢去唔到搵哥哥，同埋哥哥冇叫佢。 我馬上話叫winny告訴靚仔，哥哥11月底會返香港，到時媽咪一定話畀佢聽，哥哥返到屋企我一定叫哥哥叫佢。 靚仔聽到之後非常高興。

winny同靚仔講，如果掛住哥哥，不如11月叫媽咪帶埋佢一齊接機哥哥機，好唔好。 靚仔馬上答好，仲好開心咁跳嚟跳去。 winny還問我，靚仔開心的時候，是不是鍾意兩隻腳企係度，我話系，佢開心一定會兩隻腳企喺度。 我聽到後😭😭😭收唔到聲。

winny同我講 ，原來靚仔，個腎有事，問我有冇留意到，佢是小便出現問題。 我回答，係啊，靚仔曾經做過尿石手術，但係我有定期帶他去醫生到 ，做定期檢查。 winny話靚仔應該係急性腎衰竭嘅走的。 我覺得對靚仔唔住，係媽咪唔好，冇留意佢身體😭😭

winny問我係咪好少帶靚仔出街，因為感覺佢識嘢好少，但佢沒有過度活躍既。 我回應係，因為我要返工哥哥要返學，大概兩星期會出一次街，但時間唔會太長。 我問佢係咪好嬲媽咪，唔經常帶佢出街呀？ 好彩靚仔會應winny，冇嬲媽咪。 我問winny佢一直掛住哥哥，係咪唔掛住媽咪呀? 靚仔答 : 會唔會呀，我有掛住媽咪仲好愛媽咪添。 我winny同靚仔聽: 媽咪會愛佢一世😭😭😭

跟住winny問我有冇俾生果靚仔食。 我回應有，因為靚仔好中意食生果。 姐姐問佢想要咩🍏🍌🍎🍉🍑🍊，逐樣問，樣樣反應都唔大，只係一講🍊，靚仔就馬上企起身啦。 靚仔放心，媽咪會準備多啲🍊畀你食。

最後winny話畀我聽，靚仔喺彩虹閣好開心，玩識到一個朋友仔佢係小松鼠，住喺佢住嘅草地度嘅一棵樹上。

我喺度再次衷心，感謝winny的幫助🙏🙏。 如果沒有你，我心裏面的問題好難解開。 我衷心想告訴大家，我完全不是唔識winny的。 如果大家都想問下毛孩🐶🐱🐰🐭一事。 衷心告訴大家，找她吧，絕對沒有錯，她可以幫到大家心裏面疑惑問題，她真係好專業，絕對係好💝💝💝

#animalcommunication #動物傳心 #離世溝通 #Winny #acwinny