Winny個案分享38 - 一個惡貓爸＋一個不知死肥貓仔＋一個不問世事的肥貓媽＝。。。
- AC Winny
- 2018年11月8日
- 讀畢需時 2 分鐘
這是一個很奇怪的貓家庭，一家三貓口，但大家相處極不融洽。
貓爸：這裡是我的！貓媽：你們打死不關我事，不要煩我，我只要媽媽。貓仔入世未深，不知死活。
～回饋文原文～
先介紹我家3隻貓咪，牠們一家三口，一個惡爸HERO，一個肥少奶KOKO，一個肥仔TIGER，HERO 就成日會打 TIGER，亞爸成日打仔，我地都原因唔知係乜? 後尾好彩，多謝WINNY幫我地傳心問左惡爸HERO做乜成日打個仔TIGER，原來惡爸話個仔，用左媽咪買比佢既貓砂盤去大小便，媽咪就即係我喇，其實我地有留意TIGER 一去大小便，HERO 會好留意，跟住就會想追打佢，有時又唔知做乜又追打佢，咬佢既毛，我地後尾買左2個貓砂盤，諗住可以分開比佢地用，但HERO 都冇改善，TIGER用邊個貓砂盤都一樣追打，點鬧佢都係咁，但KOKO用又冇比HERO 打，多得WINNY幫佢地一家三口傳心，HERO 唔記得TIGER 係佢個仔，更唔記得TIGER 幾時出現在我地個家，KOKO 又話佢地兩隻都成日打交，都費事理，但KOKO都又唔記得TIGER 係佢個仔，後尾經WINNY幾日同HERO 傳心，解釋與教導HERO 已有好大改善，亦比番KOKO知，TIGER 係佢個仔，以後要多保護TIGER ，WINNY 又教我，點去引導HERO ，我又好似教小朋友咁，日日同佢講，唔可以打交，打交唔好，唔打交，叻叻仔，唔打交媽咪錫晒你，HERO 覺得貓砂盤是媽咪買比佢，唔想比TIGER 用，HERO 亦係超級大醋罈，我地回家要叫左HERO 同摸左佢先，最好笑的是，有時HERO 會企定定響佢那張，開飯枱仔上望住我，而我又忙緊既時候，我會在HERO 面前，我會講叫你老闆比零食你啦，當WINNY問HERO ，爸爸點對佢之類問題，HERO 答番WINNY，唔係爸爸，係老闆呀！原來貓咪會記得我地所講既稱呼。勁! 現在HERO 比未傳心既時候，真的大大改善了很多牠的臭脾氣，可能佢是第一隻入屋的，可能KOKO又係女仔，對佢冇乜野威脅，TIGER 係男仔，所以HERO 怕佢既地位會比TIGER 搶左，其實不會的，3隻各有性格，每隻我地都錫的。 再一次多謝WINNY既幫忙。
MAN 上。
留言