第一屆傳心基礎班22/4/2018 Loraine回饋文

(遲到的)回饋文 from Loraine

初心：

- 我兩隻天竺鼠Gili Gulu，成日有唔同嘅叫聲，好想知其實佢地想表達乜野；間唔中有啲反叛行為，感覺係佢地對某啲地方有不滿。如果可以同佢地溝通，知道多啲佢地嘅感受同需要，希望可以盡量做到佢地想要的，令佢地更開心幸福。

- 除左同自己嘅小朋友溝通（特別係發現主人較難同自己寵物傳心之後😅)，希望都可以幫到身邊/其他有寵物嘅朋友

- 之前養的刺蝟Chickee因病走得急，事後其實會怪責自己係咪做得唔夠好，eg. 唔夠細心觀察，係咪如果一早搵第二個醫生睇可以及早發現，等等愧疚嘅念頭。過左一段時間以為心情已平伏，但其實每次諗係都會耿耿於懷。直至一年多後，喺靜修營入面其中一晚，chickee咁耐以來第一次入夢相見，夢入面見番好似佢臨走一刻，但冇當時實況嘅痛苦，仲有燦爛笑容。嗰一刻明白，寵物離開，一個正式嘅道別同知道佢地嘅感受，對主人黎講可以係個好大嘅relief。放低左傷痛同愧疚，回憶嘅就都係開心的。雖然我知基礎班未教去彩虹國，但希望日後可以自己或幫其他主人，想嘅時候都可以去探下往生嘅小朋友。

課堂：

- 學到特別的保護光用法、飲靈動水等係意料之外，非常有用，即使唔係做傳心，日常都可應用。導師們睇到光，知道我地有冇成功做到其實好好，可以肯定自己係做到的～

- 引導用口述無問題，我覺得節奏可以再慢多些少，有時要創造個影像可能需要啲時間（特別係第一次），又或者可以俾定些少心理準備將要用到咩畫面

- 連續7個鐘嘅堂好充實！但多番些少休息時間回回氣會更好，或者可以係上全日，中間有lunch time/多啲breaktime。去到3-4點其實已經肚餓，好在有帶餅😅

- 雖然去到最後淺談走失/往生時間好緊迫，但對我黎講係好重要嘅資訊！我(或者好多冇靈界知識嘅主人）凝住要連埋佢地鍾意嘅玩具食物一齊火化，原來咁樣係對佢地唔好。關於安樂死嘅觀念都係，雖以往都唔太支持，依家知道原來會帶黎更多痛苦，就更加肯定唔應該咁做。

- 由上堂到依家嘅幾個練習，都未太分別到邊啲係自己嘅想像，邊啲真係傳心得到嘅訊息，雖然對答案有啲係啱的～ 仲摸索緊較適合自己嘅方法（開眼/合眼；光/間環境etc）依家慢慢向身邊有寵物嘅朋友落手搵練習機會😬

- 好感謝花灑、Winny、Hailey無論上堂當日定課後喺依度都非常用心教+分享，仲不斷補充資料❤️

*上堂後個星期有一晚，覺得細個時候嘅直覺/第六感好似番來了。好細個時試過有一排，個腦放空時會有一啲念頭突然彈出黎，例如有好強烈感覺會喺街上撞到識嘅人；學校會有走火警演習，而之後真係發生。但漸漸大個就冇左依啲感覺了。

嗰一晚行緊去巴士站搭車，突然有個畫面/感覺飛出黎—我喺度跑！於是就開始急步行，行到站一刻就啱啱好架巴士到。

真係好耐好耐十幾廿年冇試過呢種感覺😮

#animalcommunication #class #Thirsha #Winny #Hailey #動物傳心 #班 #花灑