第四屆傳心基礎班27/4/2019 Joanne Wong回饋文

課程回饋文：

我學動物傳心的目的/信念好簡單，就是想和我的兩隻貓溝通，如果成功掌握到技巧，有一定的準確性時，我會幫我的養貓狗朋友（如有需要）和他們的寵物溝通。

1. 課堂容易明白嗎？有什麼改善的地方？

🙎🏻‍♀️：該怎樣說呢？一初看你們講義內的兩幅圖（散頁）就明白傳心的基本原理/局限，呢個好易明。但到做實習時，又好似有點無所適從😓，例如我當時唔係好知要怎樣開始 - 要從頭由看太陽開始、再想像自己變樹、再伸尾巴？還是只須深呼呼、飲能量水，望照片再合上眼就行？當下我猶豫咗一會，要再問我partner（阿欣）確定，但她也不太確定似的，最後我們選擇只深呼吸及喝能量水，可能我們的不確定態度？所以這次的實習結果我覺得不太理想。

2. 引導時，有什麼感覺/體驗？

🙎🏻‍♀️：可能我係屬於無想像力/創造力的人（讀書時試過上美術堂成堂都諗唔到畫乜），諗緊個畫面應該要點樣時，可能已跳咗去下一個目的地，所以跟引導時我有點狼狽，好多時都要追住往下一個點😅。

3. 對各導師的教學有什麼意見？

🙎🏻‍♀️：我欣賞導師們好努力去營造一個好relax、好free、好舒服自在的環境。我相信這對我們學習是很有幫助的，因為我覺得做傳心時要放鬆自己，應該不被週圍的環境影響而分心，這一點導師們做得非常好👍🏻

我亦都睇得出花灑係好用心去製作呢份講義，我覺得呢份講義深淺適中、文字加構圖，簡單易明。

4. 上課時難忘的經歷/特別的地方。

🙎🏻‍♀️：可能我一直都係平常心對待任何事情(let it be)，所以學習過程都係平常心，無乜特別感覺🙄（除非牽涉我的至親或不平時，我才會有應有的感覺😅）

5. 其他感想。

🙎🏻‍♀️：希望導師們對我呢啲無想像力/無創造力的人可以有多點提示（例如見我們有些茫然時，請給予我們一點實質提議/建議）。因為如果得不到適當提示，我們在無所適從時見到其他同學成功做到，我們會更加焦急，就更加難集中、更加難去連結。例如今次做實習時，我就有點老鼠拉龜的感覺，唔知應該要點做（例如要問狗狗鐘意同狗仔玩還是狗女玩，我應諗什麼畫面呢？）如果不是二選一的是非題，我諗我更加唔知點樣創造更復雜的畫面😢。所以我希望你們能在這方面講多一些🙏🏻

另外亦歡迎提供彩虹國導航之回饋文，謝謝大家的回饋！😘

🙎🏻‍♀️：而彩虹國呢部分，可能因為引導時有好多實質的畫面，例如見到彩虹、一片草地、有好多動物喺度追逐玩緊、我哋嘅寵物向着我哋跑過嚟、有張凳喺度等等，呢啲全部係好實在，一諗就會諗得到嘅畫面。所以我呢次好成功地進入到嗰個畫面，終於可以好貪婪地摸貓貓，而貓貓亦不停地用頭仔挨(hi)我。可能係期待已久的關係，加上係自己的貓，所以感覺特別強烈，我的淚水亦忍不住不停咁流，覺得好滿足！當刻的感覺是盡在不言中，只想這畫面永遠停留下來.....

Thirsha Reply：

多謝你好詳細既意見呀！❤️🙏🏻

在練習時可能我地導師忽略左你地呢組，無特別去埋身睇你地😢，仲以為你地練習得好好添🤦🏻‍♀️。所以有問題記得要搵我地問呀！以後在課室都歡迎你問任何問題呢😘

至於有關每次傳心前，要唔要從頭做引導冥想？當然不用！我地幫你擦乾淨條天線就可以隨時用，直接靈動呼吸靈動水就可以開始了😊。

在引導中，你不用努力去想自己創造了什麼。你只要let it be就ok了。看不到不代表引導失敗。反而你用力想像它出來就很容易變成想像了，這樣的引導就絕對不是成功的。

你的弱項同時也是你的優點，就是缺乏想像力。因為你不會想像，你傳心得到的答案好多時會好準，不會有想像出來的雜訊。但因此你也變成不懂問問題。這種情況解決之道是要經常練習問問題的技巧，才會有進步。

記住，傳心的答案是很自然浮現的，用力想出來的一定不是答案。