第四屆傳心基礎班27/4/2019 花灑回饋文

花灑。第四屆動物傳心基礎班27/4/2019

花灑回饋文

初心：希望人和動物更幸福快樂

今次係奇蹟開到既一班😆。因為同其他有名氣傳心師既班同時間開放招生，所以直到報名截止日期為止，只有3個同學報名。

我打定輸數準備流班時，天地爻竟然話開得成，後勢有期。我地最後決定觀望一下，果然繼續有人報名，甚至起最後一兩日再多兩位學員😳（果然真係好後勢下），結果順利開班，第四屆學員成功出爐！（喺呢度都感謝各位學員的信任，揀咗呢個冇乜名氣嘅傳心班💕）

呢一班係在新課室舉辦，新課室比起舊址雖然較細，但卻更舒服、更乾淨。雖然貴d，但我就覺得物有所值。唔知新同學點評價呢？

我認為此次最特別既地方，係由我親自特別引導一位乜都無感覺既學員成功傳到心（雖然可能佢仲係未有信心😅）。我好似下指令咁叫佢創造不同既影像，再叫佢觀察動物既反應，佢最後講得出Hailey既狗狗見到媽媽既招牌動作，同我隻貓見到雞柳既衰樣😂。呢個真係我作為導師既寶貴學習經驗！

在引導其間成功見到同學所見，包括大粒星、白骨精條脊骨同好得意既綿羊。也有看錯了一些。準確率大約7成。

做得唔好既地方係我一邊教人唔好篩選答案，自己卻在引導期間，不由自主地做了取捨既動作（明明見到同學在引導期間看到海豚，卻以為想起了上一班同學的海豚，所以沒說出來。後來對答案時才知道真的有）。以後會好好歸檔，努力累積經驗。

今次時間控制又差左，overrun了。

而課堂後嘅彩虹國聲音導航體驗，竟然所有同學都見到佢哋自己嘅寶貝，係100%呀😆！好開心，Hailey好叻！