搜尋
花灑+Winny 走失協尋個案分享71 離家出走的小雪
- AcTrio 三個快樂的傳心師
- 2018年11月13日
- 讀畢需時 2 分鐘
已更新：2019年3月3日
🐾花灑+Winny 走失協尋個案分享🐾
連續跟左幾日嘅走失個案，終於有個圓滿嘅結局😊💕🙏🏻
小雪因為常常被公司的人罵而離家出走，但又不捨得公司內另外一隻貓，晚上偷偷回來相聚。可惜因為她實在太過聰明，公司的人都捉不到他，照顧她的姐姐冇辦法之下唯有委托傳心師的幫忙。
我們先大致了解她的所在地和活動範圍，得知她的活動路徑，然後主人在她回來公司附近的位置設立捕捉籠，再讓我們勸說小雪進入捕捉籠。
竟然當晚小雪就遵守諾言進入籠內了！
可是！可惡的籠子竟然在最重要的時候失靈了！小雪進入籠裏吃光所有食物然後施施然地走了！
我們第二天唯有再繼續勸說，幸好當晚就成功捕捉到了她。因為公司的老闆對小雪並不是太好，照顧她的姐姐就將她送去暫托家庭，希望她能找到一戶好人家。
祝福小雪💕希望她能有一個全新的開始😊
🐾🐾🐾🐾🐾🐾🐾
回饋文原文
小雪係一隻喺馬路邊執嘅貓貓、記得當日落雨天氣好凍、佢縮埋一舊喺度震、執咗佢返嚟之後就帶咗佢入去公司嘅寫字樓入邊、希望佢同可以同寫字樓主管小花做個好朋友。
可惜事與願違可能因為佢嘅經歷而領到佢好驚人、佢竟然咬同抓我老闆！最終我老闆唔俾我再擺佢喺度、我都已經幾經爭取最後都放多咗一個月時間喺公司、點知有一日佢突然之間沖出門口走咗出街、我好驚佢唔識路返嚟公司、我就唯有搵花灑幫手傳心睇吓佢去咗邊度、最後知道原來係佢自己想離開呢個屋企、佢成日覺得有人鬧、只有主管小花係當佢係女咁看待、原來我放佢公司佢一啲都唔開心、
我經過花灑傳心去了解到佢嘅心情之後、我唯有先帶佢離開公司、等佢心情平復好之後、幫佢搵個真真正正嘅家、好多謝花灑係懷孕中都肯幫我隨時隨地傳心、等我知道小雪佢嘅心態同埋佢對我嘅睇法。
坊間有好多人都覺得傳心係呃人嘅、但係當講到一啲細節、係傳心完全冇辦法預先知道嘅事、我覺得要相信。
我相信傳心。
留言