花灑。傳心個案分享2 誰才是領袖

16/8/2016

今日做咗個好棘手嘅case。隻狗狗發脾氣，又咬人又吠。一開始同隻狗狗溝通嘅時候，佢唔睬我，而且好保護自己。後來經我慢慢勸導，佢終於肯講嘢。

佢話俾我聽佢好嬲，主人唔愛佢，想送走佢。咁我問返主人，原來主人自己都好嬲好痛苦，鬧又鬧過，氹又氹過，隻狗都冇改善。

我記得睇過金牌馴狗師，狗狗會project番主人嘅情緒，你冷靜佢就冷靜，你驚佢就驚，你嬲佢就嬲。所以好重要嘅一樣野，就係主人首先要調整返自己嘅心態同情緒。狗狗對情緒好敏感，雖然你個刻把口讚緊佢，但其實佢係知你個心係鬧緊佢。

第二一定要set boundary。即係話俾佢知邊個先係話事人。如果你當隻狗係朋友，佢唔會聽你講。你一定要話俾佢知你係話事人，同埋佢發惡嘅時候，你唔可以退讓，咁先可以穩固你嘅地位，令佢聽話。

而家我唯一可以做嘅，就係叫佢睇金牌馴狗師。希望佢可以搵到新方向。

❤️

祝福佢。

AC Trio