花灑。傳心個案分享33 寵主Wing Tung Yip分享

加油，T仔😉咁係因為主人同埋大仔都肯聽話改善，所以大家嘅關係先可以更進一步❤👍🏻

傳心之所以可以解決行為問題，係全賴三方面合作：動物、主人、傳心師。除咗傳心師對動物同主人雙方面輔導之外，動物同主人都必須各讓一步，相互妥協。主人方面，更要兌現承諾，唔可以言而無信，當兒戲咁。

好多時，都係因為主人聽完就算，唔肯改善，從而令到整個輔導的努力白費，更甚者，會令動物從此不信任傳心師，令以後的溝通更加困難。

所以，如果搵得傳心師，主人一定要有心理準備去改善自己。唔好諗住傳心師可以命令動物聽曬自己話。記住，傳心師係翻譯、係社工、係輔導員，但一定唔係馴獸師。😊

------------------------

Wing Tung Yip‎ 2017 年 3 月 25 日 ·

--回饋文 1--

花灑，我好感謝您，請受小女子一拜 你同完大仔傾完計後，佢有主動痴我男朋友，男朋友都話佢變咗好多。 嗰時嘅佢對我仲係有敵意，但已經降低咗好多。 你同佢傾完計個幾日，佢間唔時仲有wu我。 但係我每次我都同佢講，仔，你係咪唔記得個日個姐姐同你講乜嘢，你係咪想人錫你，你唔可以咁，你自己好好反省檢討下，係咪唔可以咁樣。 同佢溝通過兩次之後，至今已經一個星期，佢無再wu我。 有時仲主動過黎搵我，次數唔多，但已經係一個好大嘅轉變。 以前佢好鍾意比人拍patpat，但我同佢關係有問題時一拍佢patpat佢就會縮埋，之後跑走。 琴晚開始，我拍佢patpat佢會翹起個patpat，好似以前咁。 抱佢亦都無再wu我，佢有咁大嘅轉變，我真係好多謝你。

--回饋文 2--

我個仔近呢幾個月好惡好惡，同客人玩玩下就發脾氣打人，對自己家人就不理不睬，終日哩埋，靠近就發惡。

咩方法都試過了，依然都係咁。

無辦法之外搵左花灑同仔仔傾計！

意外地第1天已經有極大的改善！至少不再喱埋，都願意比我地摸下抱下，雖然隨後幾天都係突然有發惡，但係我再同佢講，傳心師係點樣同你講，你咁樣惡落去，就無人愛你！ 直到依加，我諗都就快1個月了，大仔已經無再發惡，亦慢慢變返以前咁痴人！ 情緒有問題既個幾個月，終日躲避家人，我已經好幾個月無見到佢係貓樹上訓教，依加每日佢都會係貓樹！

我同其他家人都睇得出好大改變，佢開心返好多！

真的好感謝花灑既幫忙！

傳心並非騙人亦唔係僥倖，當你屋企既仔女情緒/心理有問題時，靠傳心解決到，你就會見證到事實！

Facebook 原文:

https://www.facebook.com/photo.php?fbid=1331189526927443&set=o.1102306879863660&type=3

#animalcommunication #Thirsha #動物傳心 #花灑