花灑。傳心班分享60 花灑4/2018回饋文

22.4.2018基礎班課程回饋文 By 花灑：

學動物傳心的信念/目的：令人和動物更幸福。

好多謝大家嘅信任！令我今次第一班動物傳心班可以順利進行，開心完成。❤️

驚喜係大家嘅能力都令我刮目相看😍竟然每一個同學都有獲取到唔同程度嘅資訊，無一個人話俾我聽佢個腦一片空白，乜都冇。我見到大部份同學都係偏重視覺接收，有一部份係偏重感覺情緒，再伴隨少少觸覺訊息。暫時未見到有味覺嗅覺等。期待大家之後嘅分享更加多元化💪🏻💪🏻💪🏻

回顧番今日做得好嘅地方，就係我成功地引導到大家連結天地、大樹、動物尾巴同埋動物王國。竟然仲有兩位同學去到彩虹橋🌈😆👍🏻勁！我問返助教，第時即場講定用錄音好，佢哋都一致認為即場講好啲。唔知各位同學點諗😁

做得唔好嘅地方，係課程太緊迫，太多資訊性嘅嘢，overload左大家。尤其是大家傳完心之後，根本就用晒精神力/靈力，再加上冇乜休息時間，導致之後嘅課程好難集中精神理解(辛苦晒生病嘅同學😅)。仲要後期講嗰啲都屬於大家未聽過嘅靈界知識😥，可能聽完都一舊雲🙈。

我打算之後嘅改善方法係初班要起碼有半個鐘以上休息時間，而且會刪減離世同走失部份，撥落進階班先教。咁大家會有多啲鬆動時間去消化吸收，上堂都冇咁辛苦。

另外今次係我第一次咁俾心機觀察一大班人做引導同保護光嘅時候，身上發出嘅光嘅變化😍見到大家由渙散既光做到凝實，再由凝實變返做渙散(用晒精神，謝咗)，對我來講都係一次好寶貴既學習😉👍🏻💕

係呢一度都再次提醒大家，我教嘅所有野，對你哋每一個人來講都只可以係參考，因為每一個人對感覺嘅體驗都唔同，各自都會有不同既傳心道路，一定要靠不斷練習同經驗，先可以找出屬於自己嘅傳心感覺。

最後係希望每一個同學都可以寫一篇上課嘅回饋文俾我，講下自己得著，感受，同埋對課程嘅意見，等我有個留念，同埋協助下一班做得更加好😘🙏🏻

再一次多謝大家嘅信任同參與😃❤️！

Facebook 原文:

https://www.facebook.com/flowerach/posts/1698602180234124

AC Trio