第二屆傳心基礎班30/9/2018 Cindy回饋文

9.2018動物傳心基礎班學生Cindy回饋文

🐾🐾🐾🐾🐾🐾🐾🐾🐾

首先多謝三位老師，花灑、Winny、Hailey！

我覺得一切都係緣份，有一日youtube彈左一條動物傳心片出嚟，我睇完覺得好有趣，剛巧遇着懷孕時期，我的寶貝龍貓-牙牙同我瞓覺嘅時候，會避開我個肚唔行過去，於是我就想起動物傳心，想同牙牙傾吓計，我就上網search下，見到你哋嘅專頁，除咗好多好評之外，價錢仲好實惠，於是我就精挑細選問咗三條問題，當時我是請Hailey幫我的。

當中令我覺得最神奇嘅係，首先，牙牙真係好怕陌生人，所以Hailey第一日都問唔到啲乜嘢真係唔好意思。第二，牙牙無講錯，我的確係好夜先返屋企，而家已經改善咗好多。第三，有時去旅行行開幾日，雖然有屋企人幫我照顧佢，但係返到嚟佢都會好嬲，會唔睬我一日。當然其他答案都好準確！ 所以，我對你們的能力是深信不疑的！

本身都諗住再問多幾題，但咁啱你哋就開班教學，所以就決定去上堂了！希望可以親自同牙牙傾計！

好多謝你哋對我呢個大肚婆嘅特別照顧！我坐得耐會腰痛，所以成日行來行去.. 個上堂環境好好，乾淨又大，感覺好free，又有洗手間，讚！

我自己對動物的理念和傳心師的宣誓一致，所以很有同感，我自己每個月都會捐款助養狗狗，有些人覺得，點解你唔助養兒童，我覺得，人有手有腳可以自力更生，但動物的大自然世界被人類摧殘到體無完膚，更加需要被幫助！

言歸正傳，我覺得個課程內容好充實，冥想的部份由淺入深，很適合初學者！ 去到傳心的部份，我覺得有點抽象，唔知如果經花灑的聲音導航，帶我們入去嗰個情景會不會好d呢？

因為冥想嘅部份很有畫面，但一去到要自己傳心，就無乜畫面，到第二次傳心練習嘅時候，很用力才有模糊的畫面，可能道行不夠啦，我會加緊練習！

課程結束後，我留下來去埋彩虹橋探訪我的小倉鼠-肥妹，本身只係諗住八卦一下彩虹橋係點樣，但最後我同肥妹團聚之後，向她懺悔同道歉亦得到她的原諒，解開我多年心結，亦都同肥妹報喜，有兩個細佬就出世啦！你永遠都係大家姐！ 彩虹橋這地方真係不枉此行！好彩有留下來！簡直是全日的高潮所在！

喪哭完後返到屋企，真係感受到老師們所說的精(神)盡人亡，即刻上床瞓覺充電！ 好奇妙的一天！多謝你們！ 期待學埋保護自己的方法，可以放心幫所有動物做傳心！

P.S. 題外話，今日我嘗試同自己肚裏面嘅bb做傳心，我話「你試下郁下手（郁手），郁下腳(郁腳)，再郁下手（郁手），再郁下腳 (郁腳)」好神奇好amazing！跟住同佢傾計，feedback就無乜，因為我都唔知問佢啲乜嘢好，不過就叮囑佢要留喺媽媽肚度耐d，唔好咁早出黎呀！

另外，我今日嘗試同牙牙傳心，我同佢講「唔好掛住食糧，唔食草，因為裏面啲牙仔要食草先磨到，唔係呢就會（我比個畫面係醫生要剪牙佢睇），跟住下一秒就見到佢食草啦，平時個糧兜唔空曬都唔食架！衰豬黎架！今日密密食！」希望真係我傳心成功啦！哈哈！

Facebook 原文:

https://www.facebook.com/flowerach/posts/1908693009225039

#animalcommunication #class #Thirsha #Winny #Hailey #動物傳心 #班 #花灑