花灑。傳心個案分享 74 不要拿走我的積木!
- AcTrio 三個快樂的傳心師
- 2019年2月27日
- 讀畢需時 2 分鐘
由 Ho Thirsha 發佈 · 2018年11月30日 ·
🌸花灑動物傳心回饋文分享🌸
🐾🐾🐾🐾🐾🐾
唔好話你，我都一頭霧水，明明見到係貓兜之類既，佢就話俾我聽係積木？？？仲要重複確認左幾次都仲係話積木，無奈之下唯有照講😅原來佢見到媽媽親手砌返個紙箱，就好堅持話係積木😂
—————————— 回饋文原文：
花灑我黎多謝你架😘 講返我個女件事先😂
我去旅行當晚阿女就開始發情 到佢發情完之後就開始無精神 因為都絕左育1年幾有多 之前發完情都唔會咁樣 佢仲嘔過1次 但係睇返D嘔吐物又似係食野太急 我都觀察左成個星期 淨係嘔過1次 食慾都正常 似係唔開心又唔似病
我都有氹下阿女同佢傾下計 不過佢睇落真係好似好嬲咁😓 平時好痴人好乖既女突然脾氣變得好暴躁會發惡同埋唔彩人唔痴人 完全唔知咩事既我只好向花灑求救😭
花灑同阿女傾完計之後 阿女話我地拎走左佢舊積木 佢好嬲 花灑話阿女叫個舊野做積木 但係睇個樣只係貓爬架/貓窩之類既野黎 叫我盡量搵返比佢 同埋要向女女道歉
我聽完一開始真係一頭霧水🤪 因為我無執過過佢地既貓窩/玩具 我都唔知佢講緊咩積木 問埋屋企人都話無執走佢D玩具 仲諗緊咩係積木既同時 我就同女女道歉先 其實佢呢個時候已經好返好多 起碼唔會無啦啦發惡同埋比我摸返😭
過左一陣,屋企人突然醒起同我講女女個日嘔左係個紙兜度 紙兜清潔唔到所以扔左 追問屋企人個紙兜係咩外形之後 我就即刻明哂咩事😂
咁個紙兜係D紙皮砌出黎既 個SIZE偏細 阿女圓潤既身形長期擠壓下 有一日個紙兜終於爛左 但阿女仲係選擇訓左係個爛紙兜上面 我見佢咁鍾意個紙兜 我就用左好多膠紙痴返好個形狀等佢可以繼續訓😬 個陣係女女望住我一路痴返好 所以佢以為個舊野係積木(我諗係掛🤣)
因為客廳放左十幾個貓樹/貓窩/紙皮箱比佢地周圍訓 我完全無察覺到少左1個紙兜(失職😭) 花灑話女女好想要返個積木 同埋要向女女道歉 但係個紙兜已經扔左 我搵左個差唔多形狀既紙兜賠罪 同埋同佢解釋返舊個個已經返唔到黎 好對唔住! 女女雖然都有D失落 但係已經開心返好多啦
我再觀察左半個月 女女已經完全開心返哂 最緊要係肯理返我地啦 好似以前咁日日訓係我頭頂😍 我知道女女比較怕陌生人 花灑都好耐心咁慢慢一步一步黎 令女女放下戒心😘 我完全無諗過1個紙兜會搞成咁😹 可能因為係我整返好所以女女特別珍惜!
真係多謝花灑幫左1個大忙🙏🏻🙏🏻🙏🏻 講1百次多謝都唔夠😆😆😆
Facebook 原文:
https://www.facebook.com/flowerach/posts/1984424064985266
留言