花灑。傳心個案分享89 彩虹國的管家婆

花灑。離世動物傳心個案🕊

做咗動物傳心師咁耐，第一次遇到去咗彩虹國嘅小動物在傳心前特登過黎睇吓我呢個傳心師係點樣的。仲記得我嗰陣時做緊治療術，突然眼尾稍到有隻白色長毛貓BB好好奇地望住我，仲問我：你做緊乜嘢啊？我當時掛住工作，並冇特登回應佢，點知做完佢就走左了。

兩個禮拜後當我接觸呢個個案，我起彩虹國搵到嘅佢，竟然同我嗰陣見到BB貓嘅一模一樣（離世後動物會自動回復佢最健康嘅狀態）。我先知道原來唔係巧合，而係佢特登過嚟見我😅。

呢個連主人搵嘅傳心師都要經佢審核嘅貓貓，理所當然地成為在天上看守住佢哋一家的管家婆☺️。所以主人你要好好照顧自己呀，呢個就係管家婆最大嘅心願！

🌱🌱🌱🌱🌱🌱

回饋文原文（貓貓名字因主人意願改為emoji）

首先謝謝花灑，係今次透過用傳心師傳心方式知道🐷情況，我同先生都放鬆心情了，雖然養咗🐷一年半，沒有諗過🐷有咁愛我同先生

傳心師花灑說的都好準

以下傳心師同🐷溝通完既資料話我番知

傳心師話🐷好懂人性、單純樂觀既貓，講得好啱，🐷生前好識聽我講嘢架，成日同我傾計有問有答，🐷個病令🐷好堅強樂觀面對病魔，所以🐷一次又一次捱過

🐷在生前🐷有d低溫症，我同爸爸驚🐷凍親，會幫🐷加毛氈，🐷原來真係記得架😅

🐷真係記得媽媽成日係🐷身邊聽歌，又記得我同爸爸唱過歌比🐷聽，媽媽係唱「有了你」爸爸唱「陪著你走」架

仲有原來🐷一直想同我哋玩波波玩具，個波波玩具🐷原來咁鍾意，可能係🐷第一份玩具啦

我問傳心師🐷有返嚟嗎？傳心師話🐷有返，返嚟企係門口，我就影門口相片比傳心師睇，點知係個一個位置，唔怪得之前我家另一隻貓會無端端行過去附近企係到望實啦，原來知家姐🐷返嚟😂

傳心師又幫我問🐷記唔記得媽媽講過d咩？🐷話記得，記得媽媽成日要🐷乖，比呢個🐷笑死😅，其他🐷就唔知點解，所以唔識答，呢個傻妹😂

傳心師問我，🐷係咪痾尿有問題，真係好準，🐷生前臨近兩星期多就唔可以自行去痾尿，要用人手

透過今次我知🐷去咗好開心既地方生活，會在新地方管住我同先生，🐷亦想我同先生好好照顧自己，我哋會架，🐷放心

再一次多謝花灑，花灑幫助我同🐷🙏🏻🙏🏻

#animalcommunication #Thirsha #動物傳心 #花灑